Жанубий Кореяда кўприк қулаб тушиши оқибатида камида уч киши ҳалок бўлди. Бу ҳақда Yonhap хабар берди.
Фавқулодда ҳодиса 25 февраль куни эрталаб маҳаллий вақт билан 09:49 атрофида Сеул — Сежонг тезюрар автомагистрали участкасида содир бўлган. Ишчилар кран ёрдамида устунлар орасидаги пўлат конструкцияни кўчираётган эди. Кўприк остида жами саккиз нафар ишчи бўлган, улардан уч нафари ҳалок бўлган, беш нафари эса яраланган.
Миллий ёнғин агентлиги ўт ўчирувчиларни бахтсиз ҳодисада бедарак йўқолган одамларни қидиришга сафарбар қилиш тўғрисида буйруқ чиқарган.
Жанубий Корея президенти вазифасини бажарувчи Чхве Сан Мок қутқарув ишларини олиб бориш учун мавжуд барча ресурслар ва ходимларни жалб этиш бўйича шошилинч кўрсатмалар берган.
Изоҳ (0)