Майамидаги (Флорида штати) пиёдалар кўприги қулаши оқибатида камида 4 киши ҳалок бўлди. Бу ҳақда Майами округи ўт ўчириш бошқармаси бошлиғи Дейд Дейв Дауни маълум қилди, дея хабар беради «ТАСС».
Даунига кўра, қидирув ва вайроналарни бартараф этиш ишлари давом этмоқда. Расмийлар қурбонлар сони ортиши мумкинлигини билдирди.
Ҳодиса оқибатида 10 киши жароҳат олди ва касалхонага етказилди, улардан икки нафари оғир ҳолатда. Кўприк 8 та автомобилни босиб қолгани айтилмоқда.
Майамидаги мазкур кўприк охиригача қуриб битказилмаган, аммо унинг 950 тонналик асосий қисми ўтган дам олиш кунларида ўрнатилганди. 7 полосали шоссе устидаги кўприк асосан Флорида халқаро университети талабалари учун қурилаётган, келгуси йил бошида очилиши режалаштирилганди.
https://youtu.be/IPthP3MXcs8
Изоҳ (0)