6 август куни кечқурун Хитой жануби-шарқидаги Фуцзянь провинциясида Ваньань кўприги ёниб кетди, деб ёзади «РБК». Аланга ўчирилди, аммо кўприк корпуси ёниб, сўнг қулаб тушди. Жабрланганлар йўқ.
Ёнғин сабаблари ҳозирча аниқлангани йўқ. Пекин университетининг қадимий меъморчилик бўйича эксперти Сюй Яо Global Times нашрига маълум қилишича, ёнғинга, катта эҳтимол билан, инсон омили сабаб бўлган.
Ваньань мамлакатда сақланиб қолган энг узун ёғоч кўприк эди. Унинг узунлиги 98,2 метрга, кенглиги 4,7 метрга тенг бўлган. Ваньаннинг бешта таянч устуни ва олтита аркаси бўлган, шунингдек, унда 38 та йўлак уйлари бўлган.
Ушбу кўприк Сун сулоласи даврида (960—1127 йиллар) қурилган, унинг ёши 900 дан ошади. Цин сулолаисдан император Канси ҳукмронлиги даврида (1709 йил) у бир марта ёқиб юборилган, 30 йилдан кейин эса Айсингьоро Хунли ҳукмронлиги пайтида эса (1742 йил) кўприк қайта қурилган ва ундан кейинги сулолалар даврида таъмирланган.
Изоҳ (0)