Бразилиянинг Белу-Оризонти шаҳри мери Марсио Ласерда автомобиль эстакадаси қулаши натижасида ҳалок бўлганлар учун уч кунлик мотам эълон қилди. Бу ҳақда Mashable нашрига таяниб «РИА Новости» хабар берди.
Жаҳон чемпионатидан олдин инфратузилмани ривожлантириш дастурига биноан қурилаётган эстакада (кўприк) 8 июль куни мундиалнинг ярим финал учрашуви ўтказилиши кутилаётган стадиондан бир неча километр узоқликда жойлашган. Ушбу объект қулаши натижасида унинг остида битта автобус, икки юк ва битта енгил автомобиль қолиб кетди.
Маълумотларга кўра, ҳозирча фақат 25 ёшли автобус ҳайдовчиси Ханн Кристин Сантоснинг ҳалок бўлгани аниқ. Турли манбаларда қайд этилишича, 10 дан ортиқ киши жабрланган.
Бразилия президенти Дильма Руссефф воқеа қурбонининг оиласи ва жабрлаганларга ҳамдардлик билдирди.
Изоҳ (0)