Мексиканинг бир қатор штатларига ёпирилган кучли ёғингарчилик оқибатида камида тўрт киши ҳалок бўлди, деб хабар беради «РИА Новости».
Қутқарув хизматларининг маълум қилишича, 3 сентябрь куни Чьяпас штатининг Тустла-Гутьеррес шаҳрида уч киши ҳалок бўлди. Иккита уй вайрон бўлди, битта кўприк қулади, 75 машинага зиён етди. Сув остида қолган ҳудудлардаги оилалар эвакуация қилинди.
Халиско штатида сув оқими бир кишини олиб кетди. Касимиро-Кастильо шаҳри ҳокимияти ташкил этган қутқарув операцияси натижасида унинг танаси топилди.
Изоҳ (0)