Польшалик сайёҳ Сильвия Райхель Испаниянинг Севилья шаҳридаги кўприк устида селфи-фотосуратга тушиш чоғида пастга қулаши натижасида ҳалок бўлди, деб хабар бермоқда New York Daily News.
23 ёшли қиз ярим тунда Пуэнте-де-Исабель II кўприги юқорисида суратга тушмоқчи бўлган. Бир неча дақиқадан кейин мувозанатни йўқотиб, пастга қулаган. Тўрт ярим метр баландликдан йиқилган қиз кўприкнинг бетон устунига урилган. Воқеа жойига етиб келган шифокорлар қизнинг юраги тўхтаганини қайд этган ва уни қайта ишга туширган. Оғир аҳволдаги қиз шифохонада вафот этган.
Севилья мерияси вакиллари буни бахтсиз ҳодиса деб атаб, кўприкда қўшимча тўсиқлар ўрнатишга ваъда берган. Польша матбуоти хабарига кўра, Райхель Люблин шаҳрида яшаган ва тиббиёт соҳасида ўқиган. Ўқишни тугатгач Испанияга бутунлай кўчиб кетмоқчи бўлган.
Изоҳ (0)