Тошкентда BMW мотоциклида соатига 310 км тезликда ҳаракатланган йигит маъмурий жавобгарликка тортилди. Бу ҳақида Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати Telegram’даги каналида маълум қилди.
Йигит мотоциклини пойтахт кўчалари бўйлаб 310 км/соат тезликда бошқараётганини видеога олиб, ижтимоий тармоқлардаги саҳифасига жойлаган.
Бу орқали ўзи ва бошқа йўл ҳаракати иштирокчилари ҳаётини хавф остига қўйиш билан биргаликда, қоидабузарликни тарғиб қилган.
Унга нисбатан Маъмурий жавобгарлик тўғрисидаги кодекснинг 128−3-моддаси 3-қисми билан маъмурий баённома расмийлаштирилган (транспорт воситалари ҳайдовчиларининг белгиланган ҳаракат тезлигини соатига 40 км/соатдан ортиқ ошириб юбориши БҲМнинг 9 баравари ёки 3,37 млн сўм миқдорида жарима солишга сабаб бўлади).
Аввалроқ Тошкентда бир кечада 7 та автомобиль ЙТҲга учрагани хабар берилганди.
11 декабрь куни Тошкент шаҳри, Шайхонтоҳур туманида содир бўлган ЙТҲда 18 ёшли ҳайдовчи вафот этган.
27 ноябрь куни Тошкентда икки юк машинаси иштирокидаги ЙТҲда бир киши ҳалок бўлган.
Изоҳ (0)