Тошкент шаҳрининг Юнусобод ва Яшнобод туманларида 6 декабрь куни ЙТҲ содир бўлди. Бу ҳақда Тошкент шаҳар ИИББ ЙҲХБ ахборот хизмати хабар берди.
Жумладан, 6 декабрь куни соат 00:05 ларда Юнусобод тумани, Боғиравон—КҲАЙ кўчалари, “Самарқанд дарвоза” савдо маркази қаршисида Nexia автомашинаси ҳайдовчиси светофорнинг тақиқловчи қизил ишорасига бўйсунмасдан ҳаракатланган. Оқибатда Spark автомашинаси билан тўқнашган.
Ҳодиса оқибатида тан жароҳати олганлар йўқ. Маълум қилинишича, ушбу ЙТҲ ҳайдовчиларнинг келишувига асосан (E-protocol) йўл-транспорт ҳодисаси тўғрисидаги хабарнома орқали расмийлаштирилган.
Шунингдек, 6 декабрь куни соат 21:30 ларда Яшнобод тумани, Янги Ўзбекистон кўчасида ҳайдовчи 2005 йилда туғилган К.К. Cobalt автомашинасини бошқариб кетаётиб, рул бошқарувини йўқотиб, йўл четидаги темир устун билан тўқнашган.
Ҳодиса оқибатида тан жароҳати олганлар ҳақида хабар келиб тушмаган.
Ҳолат юзасидан суриштирув ишлари олиб борилмоқда.
5 декабрь куни Тошкент шаҳрининг Мирзо Улуғбек ва Юнусобод туманларида 1,5 соат ичида ЙТҲлар содир бўлгани ҳақида хабар берилганди.
Тошкентда ноябрда содир бўлган ЙТҲлар
3 ноябрь тунда пойтахтнинг учта туманида ЙТҲ содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди.
11 ноябрь куни Миробод туманидаги “Санъат музейи” қаршисида Lacetti King Long автобуси орқасига бориб урилди. 16 ноябрда Яккасарой тумани Malibu йўл четидаги темир устунга урилди ва ҳайдовчиси ва йўловчиси жароҳат олди.
17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди.
Изоҳ (0)