Alibaba Cloud компанияси Ўзбекистонда ҚҚС тўловчиси сифатида рўйхатдан ўтди, деб хабар бермоқда Солиқ қўмитаси матбуот хизмати.
Маълум қилинишича, аввалроқ Alibaba Group компаниясига расмий сўров юборилган.
28 январь куни Alibaba Cloud (Singapore) Private Limited булутли ҳисоблаш соҳасида фаолият юритувчи халқаро компанияси tax.uz ҚҚС офиси орқали Ўзбекистонда кўрсатилаётган электрон хизматлар бўйича ҚҚС тўловчиси сифатида рўйхатдан ўтди.
Маълумот учун, бугунга келиб Ўзбекистонда 65 та чет эл интернет-компаниялари рўйхатдан ўтган.
Alibaba Cloud нима?
Alibaba Cloud – бу Alibaba Group компаниясига тегишли бўлган булутли ҳисоблаш (cloud computing) ва IT инфратузилма хизматларини таклиф этувчи платформа. У 2009 йилда ташкил этилган ва ҳозирги кунда дунёдаги энг йирик булутли хизмат кўрсатувчилардан бири ҳисобланади.
Alibaba Cloud асосан бизнес, давлат ташкилотлари ва тадбиркорлар учун турли хил IT ресурслар, маълумотлар базаси, серверлар, сунъий интеллект (AI) ва интернет технологияларини тақдим этади.
Изоҳ (0)