Ўзбекистонда 2024 йилнинг январь-октябрь ойларида хизмат кўрсатиш фаолияти билан шуғулланувчи 167 629 та юридик шахс томонидан 28,8 трлн сўмдан ортиқ солиқ тўланган. Бу ҳақда Солиқ қўмитаси матбуот хизмати хабар берди.
Шундан, 5,7 трлн сўмдан ортиғи, яъни 20 фоизи 20 та корхона ҳисобига тўғри келади.
Уларнинг жами товар айланмаси 61,9 трлн сўмни, қўллаган солиқ имтиёзлари миқдори эса 4,3 трлн сўмни ташкил этган. Ушбу 20 та солиқ тўловчи томонидан таъминланган тушумлар солиқ турлари кесимида:
- ҚҚС – 1,5 трлн сўм;
- фойда солиғи – 1,4 трлн сўм;
- акциз солиғи - 811,1 млрд сўм;
- ЖШОДС - 693,4 млрд сўм;
- ижтимоий солиқ - 684 млрд сўм;
- мол-мулк солиғи - 235,3 млрд сўм;
- ер солиғи - 85,9 млрд сўм;
- бошқа солиқлар - 298 млрд сўм.
2024 йил январь-октябрь ойларида савдо фаолияти билан шуғулланувчи 147 723 та юридик шахс томонидан 20,4 трлн сўмдан ортиқ солиқ тўланган. Шундан, 2 трлн сўмдан ортиғи, яъни 10 фоизи 20 та корхона ҳисобига тўғри келади.
Уларнинг жами товар айланмаси 43,9 трлн сўмни, қўллаган солиқ имтиёзлари эса 469,8 млрд сўмни ташкил этган. Ушбу 20 та солиқ тўловчи томонидан таъминланган тушумлар солиқ турлари кесимида:
- ҚҚС – 801,7 млрд сўм;
- фойда солиғи – 479,1 млрд сўм;
- акциз солиғи - 339,8 млрд сўм;
- ЖШОДС - 249,9 млрд сўм;
- ижтимоий солиқ - 128,2 млрд сўм;
- мол-мулк солиғи - 36,3 млрд сўм;
- бошқа солиқлар - 6,7 млрд сўм.
Январь-октябрь ойларида умумий овқатланиш фаолияти билан шуғулланувчи 19 514 та юридик шахс томонидан 1 трлн сўмдан ортиқ солиқ тўланган. Шундан, 182,9 млрд сўми, яъни 16,8 фоизи 20 та корхона ҳисобига тўғри келади.
Уларнинг жами товар айланмаси 2,7 трлн сўмдан ошган, қўллаган солиқ имтиёзлари эса 56,4 млрд сўмни ташкил этган. Ушбу солиқ тўловчилар томонидан таъминланган тушумлар солиқ турлари кесимида:
- ҚҚС – 80 млрд сўм;
- ЖШОДС - 55,5 млрд сўм;
- фойда солиғи – 39,1 млрд сўм;
- бошқа солиқлар - 8,3 млрд сўм.
Изоҳ (0)