Uzbekistan Airways’нинг HY101 рейси (Тошкент – Нью Йорк) бортида чақалоқ дунёга келди. Бу ҳақда авиакомпания матбуот хизмати хабар берди.
Маълум қилинишича, парвоз давомида йўловчилардан бирида туғуруқ бошланган. Вазиятни баҳолаб, экипаж бригадаси бошқарувчиси овозли эълон орқали самолётдаги шифокорларни ёрдамга чақирган.
Чақириққа йўловчилар орасидаги шифокор-акушер ва жарроҳ жавоб берган ва бир оз вақт ўтиб, йўловчи ўғил фарзандини дунёга келтирган.
Шу муносабат билан экипаж Исландиянинг Кефлавик шаҳридаги захира аэродромига мажбурий қўниш қарорини қабул қилди. Самолёт муваффақиятли қўнганидан сўнг, тиббиёт ходимлари бортга кўтарилиб, зарур ёрдам кўрсатди. Она ва чақалоқ маҳаллий клиникага етказилди.
“Uzbekistan Airways ушбу ажойиб воқеа билан бахтиёр оилани табриклайди! Шунингдек, экипаж ва тиббий ходимларга ўзларининг профессионаллиги ва ҳамжиҳатликда кўрсатган ёрдамлари учун чуқур миннатдорлик билдиради”, дейилади хабарда.
2024 йилнинг 26 апрель куни Тошкентдан Истанбулга учган самолёт бортида ҳам чақалоқ туғилганди.
Изоҳ (0)