Хоразмдаги уйлардан бирига астероид тушгани рад этилиши, Афғонистон Самарқанддаги Имом Бухорий мажмуаси қурилиши учун 16 та юк машинасида мармар ҳадя қилиши, Тошкентдаги омборда йирик ёнғин содир бўлиши – “Дарё” нашри 14 майда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Хоразмдаги уйлардан бирига астероид тушгани рад этилди
Боғот туманидаги уйлардан бирининг даҳлизи қулаб тушган. Сабабини аниқлаш мақсадида махсус экспертиза тайинланган.
Тошкентда тўрт кишини 26 минг доллар эвазига ҳажга ноқонуний юбормоқчи бўлган турфирма ходимлари ушланди
Фарғона, Наманган вилоятларида ҳам ҳаж ва умра зиёратларини ноқонуний ташкил этишга уринганлар ҳаракатларига чек қўйилди.
Афғонистон Самарқанддаги Имом Бухорий мажмуаси қурилиши учун 16 та юк машинасида мармар ҳадя қилди
Тўрт минг квадрат метр ҳажмда мармар тош олиб келинди, иккинчи босқичи ҳам тайёр бўлиши билан Ўзбекистонга етказилади.
Тошкент вилоятида 13 та тарихий ёдгорликка 342 млрд сўмлик зарар етказилди
Ноёб археология ёдгорликлари қисман бузилган, йўл очиш учун текисланган.
“Ўзавтосаноат” Damas заводида ишлаб чиқариладиган янги автомобиль юзасидан изоҳ берди
Янги модел истеъмолчилар истак ва эҳтиёжларини инобатга олган ҳолда танланади.
Тошкентдаги омборда йирик ёнғин юз берди (видео)
Уни ўчиришга 12 та ёнғин-қутқарув экипажи жалб этилди.
Ўзбекистон самолёт ва авиакомпаниялар сони бўйича МДҲ мамлакатлари учлигига кирди
Рейтингда Россия етакчилик қилмоқда.
Мактаблардаги “Сўнгги қўнғироқ” тадбирларида валс тушиш тақиқландими?
Мактабгача ва мактаб таълими вазирлиги айрим мактабларда тегишли тақиқловчи талаблар киритилиши мумкинлигини билдирди.
Саида Мирзиёева Европа Иттифоқининг Марказий Осиё бўйича махсус вакили билан учрашув ўтказди
Учрашувда Ўзбекистон ва ЕИ ўртасидаги ҳамкорликни янада чуқурлаштириш имкониятлари муҳокама қилинди.
Ўзбекистон ҳаёт сифати юқори мамлакатлар қаторидан жой олди — рейтинг
Юртимиз Марказий Осиё минтақаси бўйича рейтингда Қозоғистон ва Туркманистондан кейинги учинчи мамлакатга айланган.
Жиззахда 4,7 млрд сўмлик электрдан ноқонуний фойдаланилди
Мазкур ҳолат юзасидан терговга қадар текширув ҳаракатлари олиб борилмоқда.
Давлат хавфсизлик хизматининг Call-маркази ишга тушди
Call-марказга 1520 қисқа рақами орқали қўнғироқ қилиш мумкин.
Сергелида жойлашган омборхонада йирик ёнғин содир бўлди
Омборхонада спиртли маҳсулотлар сақланган. Бу эса ёнғиннинг тез тарқалиши ва алангаланиш даражасининг юқори бўлишига сабаб бўлган.
Президент Ўзбекистоннинг ЖСТга аъзо бўлиш жараёнини жадаллаштириш бўйича топшириқ берди
2025 йилда қолган 9 та мамлакат билан икки томонлама музокараларни якунлаш каби вазифалар белгилаб берилди.
Ангрендаги кўприкнинг бир қисми қулаб тушиши оқибатида йўл вақтинча ёпилди
Қорабоғсой кўприги 1969 йилда фойдаланишга топширилиб, 1995 йилда реконструкция қилинган.
Тошкент ва унинг атрофидаги яшил ҳудудлар 3 карра кўпайтирилиб, 25 минг гектарга етказилади
Президент Тошкент шаҳрида режалаштирилган реновация ва инвестиция лойиҳалари тақдимоти билан танишди.
Изоҳ (0)