Тошкент шаҳрида ипотека кредити ажратиб бериш эвазига 61 минг долларини қўлга киритган фирибгарлар ушланди. Бу ҳақда Бош прокуратураси ҳузуридаги Иқтисодий жиноятларга қарши курашиш департаменти хабар бермоқда.
Департаментнинг Сергели тумани бўлими томонидан ўтказилган терговга қадар текширувда ҳудудий тижорат банки филиалининг икки нафар етакчи мутахассиси фуқарога янги қурилаётган уйлардан бирини кредит эвазига харид қилиш учун ипотека кредити ажратиб беришларини ваъда қилган.
Келишувга олдиндан бошланғич тўлов сифатида фуқаронинг 61 минг долларини фирибгарлик йўли билан қўлга киритганликлари аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Тошкент шаҳрида 3 минг доллар эвазига банкдан 100 минг доллар кредит олиб беришни ваъда қилган шахс ушлангани ҳабар қилинган эди.
Изоҳ (0)