Қашқадарё вилоятининг Шаҳрисабз шаҳрида фуқароларнинг номига мобил илова орқали кредит расмийлаштириб, пулларни ўзлаштирган шахс аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
![](/static/2024/08/14/2024-08-14 16.54.16-TJtTr43m.jpg)
Маълум қилинишича, фуқаро Я.Х. уч нафар фуқаронинг ишончига кириб, уларнинг номига мобил иловалар орқали жами 100,9 млн сўмлик кредит ва бўлиб тўлаш шарти эвазига маҳсулотлар олишга эришиб, ушбу кредит ва маҳсулотларни ўз эҳтиёжлари учун ишлатиб юборгани аниқланди.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб,тергов ҳаракатлари ўтказилмоқда.
Аввалроқ Қашқадарёда ўқитувчиларнинг номига 163 млн сўм, шунингдек, Тошкентда ўзгалар номига онлайн кредит расмийлаштирган шахслар аниқлангани ҳақида хабар берилганди.
Изоҳ (0)