“Ташаббусли бюджет” жараёнларининг 2025 йилги 1-мавсуми якунларига кўра, 2 011 та маҳалла (жами маҳалла сонига нисбатан 21 фоиз) ғолиб деб топилди. Бу ҳақда Иқтисодиёт ва молия вазирлиги хабар берди.
Маълум қилинишича, ушбу мавсум доирасида 329 та маҳалла илк маротаба ғолибликни қўлга киритган. Бундан ташқари 2024 йилги 2-мавсум доирасида ғолиб бўлган 826 та маҳалла ушбу мавсумда ҳам такроран ғолиб деб топилди. Шу муносабат билан ушбу маҳаллалар учун жорий йилги 2-мавсум ҳамда 2026 йилги 1-мавсумларда танаффус берилади.
Мазкур маҳаллалар (шунингдек, ушбу маҳаллаларда жойлашган мактаб, боғча, тиббиёт муассасалари ва бошқа ташкилотлар) навбатдаги икки мавсум доирасида ўз лойиҳалари билан иштирок эта олмайди.
Танаффус бериладиган маҳаллаларнинг тўлиқ рўйхати билан ушбу ҳавола орқали танишиш мумкин.
“Ташаббусли бюджет” жараёнининг 2025 йилнинг 1-мавсуми учун овоз бериш якунларига кўра, 3,2 триллион сўмлик 2 369 та лойиҳа ғолиб деб топилганди.
Лойиҳаларнинг
- 964 тасини — ички йўлларни таъмирлаш билан боғлиқ тадбирлар (1396 млрд сўмлик);
- 699 тасини — мактабларни таъмирлаш ва моддий-техника базасини ривожлантириш тадбирлари (875 млрд сўмлик);
- 247 тасини — соғлиқни сақлаш муассасаларини таъмирлаш ва моддий-техника базасини ривожлантириш тадбирлари (329 млрд сўмлик);
- 60 тасини — боғчаларни таъмирлаш ва ва моддий-техника базасини ривожлантириш тадбирлари (72 млрд сўмлик);
- 44 тасини — кўча чироқларини ўрнатиш ёки таъмирлаш тадбирлари (52 млрд сўм);
- 34 тасини — ичимлик суви ва оқова тизимини яхшилаш билан боғлиқ тадбирлар (49 млрд сўм);
- 321 тасини — бошқа тадбирлар (415 млрд сўмлик) ташкил этди.
Жараёнларда мамлакат бўйлаб жами 10 миллион 450 мингта овоз берилди.
Изоҳ (0)