Наманган вилоятида 9 ойлик ҳомиладор аёл газ портлаши оқибатида куйиб кетди. Бу ҳақда “Миллар” дастурида хабар берилди.
Хабарда келтирилишича, аёл қўшнилари томонидан шифохонага олиб келинган. Фарзанди соғлом дунёга келган. Аёлнинг ўзи воқеа ҳақида айтиб берди.
“Овқат қилаётган пайтимда газ баллон ёниб кетди. Бу ҳолат плита ва газбаллон ўртасида юз берди. Сўнгра тезда қўшниларим шифохонага олиб келишди. 9 ойлик фарзандимни дунёга келтирдим. Шифокорлар ёрдам берди. Ўзим (жарроҳлик амалиётисиз) дунёга келтирдим, фарзандим соғлом”, дейди жароҳатланган аёл.
Ҳозирда аёл жароҳатининг 35 фоиз қисми битиш арафасида. Буткул тузалиши учун 2 йил вақт керак экани таъкидланди. Боланинг соғлиғи эса яхши, соғлом.
Самарқанд вилояти Нуробод туманида ички ишлар ходимлари томонидан ҳожатхонадан чақалоқ қутқариб олингани ҳақида хабар берилган эди. “Чақалоқ ҳожатхонага тушиб кетган, яъни онаси туғиб қўйган ҳолати бўйича бордик. Ҳақиқатан ҳам ҳожатхонадан чақалоқ овози эшитилгандан сўнг шеригимиз формасини ечиб, ковлаган еримиздан болани олишга уринди”, дейди ходим.
Аёл 5-фарзандига ҳомиладор эканини билмаган.
Изоҳ (0)