ҲАМАС АҚШнинг Ғазо бўйича ўт очишни тўхтатиш ва гаровдагиларни озод қилиш таклифини рад этди. Бу ҳақда гуруҳ вакилига таяниб BBC хабар берди.
АҚШ 29 май куни ўт очишни тўхтатиш режасига Исроил розилик билдиргани, ҲАМАСдан эса жавоб кутаётганини маълум қилган эди. Исроил оммавий ахборот воситаларига кўра, яҳудий расмийлари қуйидагича келишув амалга ошиши мумкинлигини айтган: ҲАМАС икки босқичда 10 нафар тирик гаровдагиларни ва 18 нафар ҳалок бўлган гаровдагиларнинг жасадини топширади. Бунинг эвазига Исроил 60 кунлик ўт очишни тўхтатади ва қамоқдаги фаластинлик маҳбусларни озод қилади.
ҲАМАС расмийси бу таклиф асосий талабларни, жумладан, урушни тугатиш талабларини қондирмаслигини ва шунга яраша йўл тутишини билдирган. Исроил ҳукумати бунга изоҳ бермаган, бироқ бош вазир Биньямин Нетаньяху 29 май куни гаровга олинганларнинг оилаларига Витковнинг режасини қабул қилганини билдирган.
Исроил Ғазога тўлиқ блокада қўйиб, 18 март куни АҚШ, Қатар ва Миср воситачилигида икки ойлик ўт очишни тўхтатиш режими барбод бўлганидан кейин ҲАМАСга қарши ҳарбий ҳужумини қайта бошлаган эди. Мамлакат мақсади гаровда ушлаб турилган 58 кишини озод қилиш учун ҲАМАСга босим ўтказиш эканини айтмоқда. Гаровдагилардан 20 нафари ҳали ҳам тириклиги айтилмоқда.
Изоҳ (0)