Исроил ҳарбийлари Ливан жанубидаги Сидон туманида ҲАМАС етакчисини ўлдирди, деб хабар бермоқда Al Arabiya нашри.
Исроил армиясининг таъкидлашича, Муҳаммад Шаҳин ҲАМАСнинг Ливандаги оператив бўлими раҳбари бўлган ва у яқинда Ливан ҳудудидан Исроил фуқароларига қарши Эрон йўналиши ва молиялаштириш бўйича “террорчилик фитналари”ни тарғиб қилишда иштирок этган.
Ливан жанубидаги Сидон порт шаҳрида Исроилнинг автомобилга зарбаси Фаластин жангарилар гуруҳи вакилига қарши қаратилган эди, деб хабар берди Reuters аввалроқ Ливан хавфсизлик кучларидаги икки манбага таяниб.
Ливан давлат ахборот агентлигининг маълум қилишича, қутқарувчилар машинадан бир кишининг жасадини олиб чиққан, бироқ унинг шахсини аниқлай олмаган.
Исроил ҳарбийлари Ғазо уруши билан параллел равишда Ливандаги ҲАМАС аъзолари, иттифоқчи Ливаннинг “Ҳизбуллоҳ” қуролли гуруҳи ва бошқа гуруҳларга зарба бермоқда.
2024 йилнинг ноябрь ойида Вашингтон воситачилигида тузилган сулҳга кўра, Исроил қўшинларига октябрь ойи бошидан бери Эрон томонидан қўллаб-қувватланган “Ҳизбуллоҳ” гуруҳи жангчиларига қарши қуруқликдаги ҳужумни амалга оширган жанубий Ливандан қўшинларни олиб чиқиш учун 60 кун берилди.
Кейинчалик бу муддат 18 февралгача узайтирилди. Reuters манбаларига кўра, Исроил ҳарбийлари Ливан жанубидаги бешта постда қўшинларни қолдиришни талаб қилган.
Исроил ва ҲАМАС ўртасида ўт очишни тўхтатиш келишуви ва асирлар алмашинуви
ҲАМАС ва Исроил ўртасида ўт очишни тўхтатиш ва асирларни алмашиш бўйича келишув 19 январь куни кучга кирди.
Асирлар алмашинувининг дастлабки тўрт босқичида Исроил қамоқхоналаридан 583 нафар фаластинлик маҳбус, шунингдек, Ғазо секторидаги 13 нафар исроиллик ва 5 нафар тайлик маҳбус озод қилинди.
Умуман олганда, ўт очишни тўхтатиш тўғрисидаги келишувни амалга ошириш уч босқичда ўтказилади. 42 кун давом этадиган келишувнинг биринчи босқичи доирасида 1900 дан ортиқ фаластинлик ва 33 нафар исроиллик озод қилиниши кутилмоқда.
Изоҳ (0)