Биткоин нархи 9 июль куни 112 минг доллардан ошиб, янги рекорд ўрнатди. Бу инвесторларнинг хатарли активларга бўлган глобал талабининг ўсиши сабаб юзага келди. Бу ҳақда Bloomberg хабар берди.
Рекорд қайд этилишига биткоин дефицитининг 200 миллион долларлик ликвидацияси асосий туртки бўлган. Биткоиннинг нархи 9 июль куни сўнгги ҳафта давомида 5,95 фоизга кўтарилиб, биринчи марта тарихдаги энг юқори кўрсаткич — 112 минг доллардан ошган. Binance ва Coinbase платформаларида қайд этилган ушбу коърсаткич криптовалюта бозоридаги энг юқори нарх сифатида қаралмоқда.
Нархнинг ошиши крипто бозорининг умумий капиталлашувига 3,47 триллион долларни қайтаришга ёрдам берган. Бу миқдор охирги марта 2025 йил июнь ойида кузатилган эди. Бироқ, крипто бозорининг қиймати 2024 йил декабрь ойида қайд этилган энг юқори кўрсаткич — 3,73 триллион доллардан пастлигича қолмоқда.
Биткоиннинг бозордаги умумий қиймати — капиталлашуви 2,17 трлн доллардан ошиб, уни Alphabet (Google) компанияси акциялари билан бир қатордаги бешинчи энг йирик активга айлантирган. Бу эса криптовалюта бозори нуфузининг ортганидан далолат беради.
Шу билан бирга, бир неча ҳафта аввал 14 йил давомида фаол бўлмаган 2,18 миллиард долларлик “уйқудаги” биткоинлар ҳаракатга келган эди. Уларнинг аввалги умумий қиймати 7 800 долларни ташкил этган бўлса, бугун уларнинг ҳар бири 1,1 миллиард долларга тенг баҳоланмоқда. Муттахассислар фикрича, ушбу юксалиш криптобозорда янги фаолликка йўл очади.
Биткоиннинг бу рекорд кўрсаткичи АҚШ президенти Дональд Трамп Малайзия, Қозоғистон, Жанубий Африка, Мьянма ва Лаосга нисбатан 40 фоизлик янги савдо тарифлари жорий этганидан сўнг қайд этилган.
Изоҳ (0)