Покистон ҳукумати стратегик биткоин захирасини яратишни ва биткоин майнингини қўллаб-қувватлашни режалаштирмоқда. Бу ҳақда мамлакатнинг криптовалюталар кенгаши раҳбари Билол Сақиб маълум қилди.
У 28 май куни Лас Вегасда бўлиб ўтган Bitcoin 2025 конференциясида тегишли маълумот билан бўлишди. Сақиб биткоин захирасини яратиш АҚШдан илҳомланилганини айтди. АҚШдаги захира дастлаб жиноий ва фуқаролик ишлари доирасида мусодара қилинган активлар ҳисобига тўлдирилади. Бу активларнинг умумий ҳажми тахминан 200 минг биткоин миқдорида баҳоланмоқда. Покистон ҳам АҚШ каби ўз биткоинларини сотмайди.
Бу ҳамён, миллий биткоин-ҳамён бўлиб, спекуляция ёки ҳайп учун мўлжалланмаган. Биз бу биткоинларни сақлаймиз ва ҳеч қачон, ҳеч қачон сотмаймиз, деди Бин Сақиб.
Покистон ҳукумати биткоинлар майнинги ва сунъий интеллект маълумот марказлари учун 2 000 мегаватт электр энергиясини ажратади.
Биз барча майнерларни Покистонга ташриф буюришга, барча инфратузилма иштирокчиларини биз билан яратишга чақирамиз, деди у.
Бин Сақиб таъкидлашича, Покистонда биткоинларнинг стратегик захирасини яратиш мамлакатда крипто саноатини қабул қилишнинг “бор-йўғи бошланиши” бўлади.
Бизда 100 миллиондан ортиқ одам банк хизматидан фойдаланмайди. Уларда жамғариш ва инвестиция қилиш учун воситалар йўқ ва биз буни ўзгартирмоқчимиз. Биз уларнинг ўз иқтисодий синфлари доирасидан чиқиб кетишларини хоҳлаймиз. Криптовалюталар ва блокчейн бизга ушбу квант сакрашини амалга оширишга ёрдам беришига ишонаман.
Биз ноликвид активларимизни токенизация қилмоқчимиз. Биз рақамли идентификаторларни жорий қилмоқчимиз... Шунинг учун Покистон ўзига иттифоқчи изламоқда. Покистон кириш йўлини қидирмоқда, чунки Покистон қуришни хоҳлайди, деди Покистон криптовалюталар кенгаши раҳбари.
Изоҳ (0)