Биткоин бозор капиталлашуви бўйича энг қиммат активлар рейтингида кумушдан ўзиб кетди. Криптовалюта нархи 89 минг доллардан ошиб, рекорд ўрнатди. Маълумотлар Binance биржасида эълон қилинди.
Дональд Трампнинг АҚШ президенти сайловидаги ғалабаси билан бошланган биткоин нархининг ўсиши ҳали ҳам давом этмоқда. Соат 11:00 ҳолатига кўра, биткоин 88,501 доллардан сотилмоқда, криптовалютанинг бозор капиталлашуви 1,751 триллион долларга етди. Кумуш эса 1,711 триллион доллар капиталлашувда 30,40 доллардан сотилмоқда.
Нима учун биткоин нархи ошмоқда?
Криптовалюта бозори Трампнинг ваъдалари амалга оширилишини кутмоқда. Сиёсатчи криптобозорининг ривожланишини қўллаб-қувватлашни билдирган. Унинг ташаббусларидан бири АҚШда биткоин захирасини шакллантиришни назарда тутади. Криптобозор ўсишининг яна бир омили АҚШ Федерал захирасининг асосий фоиз ставкасини пасайтириш йўлидаги ҳаракати бўлди. Ўзгаришлар биткоин каби юқори хавфли активларнинг инвестицион жозибадорлигини оширади.
Шунингдек, кечиктирилган ҳалвинг эффекти криптобозорга таъсир қилган бўлиши мумкин. Бу ҳодиса криптовалюта майнинги тезлигини икки баравар пасайтиради, бу эса вақт ўтиши билан унинг танқислигига олиб келади. Кузатишлар тарихи шуни кўрсатадики, ўзгаришлар танга курсини кескин оширади.
Ўсишда давом этиш биткоиннинг энг кўп капиталлашган активлар рейтингида юқорига кўтарилишида ёрдам беради. Бироқ етакчиликни бой бермайдиган олтинга етиб олиш қийин. Сармоядорлар анъанавий равишда жамғармаларини инфляциядан ҳимоя қилиш учун фойдаланадиган қимматбаҳо металлнинг капиталлашуви — 17,545 триллион доллар, бу биткоин натижасидан 10 баравар юқоридир.
Изоҳ (0)