Италиянинг Freedom Flotilla Cоаlition (FFC) халқаро нодавлат ташкилоти кемаси Ғазога инсонпарварлик ёрдамини етказиш учун Сицилиядан жўнаб кетди. Сафар фақатгина ҳайрия эмас, балки Исроилнинг блокадасига қарши тинч ҳаракат эканлиги айтилган. Бу ҳақда Al Jazeera хабар берди.
12 кишилик экипажда швед иқлим активисти Грета Тунберг, ирландиялик актёр Лиам Куннингҳам ва француз-фаластинлик Европа парламенти аъзоси Рима Ҳассан бор. Улар 1 июнь куни Катаниа портидан “Мадлеен” кемаси билан жўнаб кетган. Гуруҳ ёрдам миқдорини “чекланган, аммо рамзий” деб атади. Кема тахминан 8 кун ичида Ғазога етиб бориши кутилмоқда.
Бундан олдин ҳам бу каби ёрдам кемаси Ғазога юборилган, аммо Ўрта Ер денгизида дронлар ҳужумига учраган эди. Унда “Cонсcиэнcе” номли кема 2024 йилнинг май ойида Малтанинг ҳудудий сувлари яқинида икки дрон ҳужумига учраган. FFC бу ҳужумда Исроилни айблаган, лекин мамлакат бу ҳақда фикр билдирмаган.
“Қандай қийинчиликларга дуч келсак ҳам, ҳаракат қилишдан тўхтамаймиз. Акс ҳолда инсонлигимиз йўқолади”, деди Грета Тунберг.
ФФC 2010 йилда ташкил топган бўлиб, Фаластин халқини қўллаб-қувватлашга асосланган. У инсонпарварлик ёрдам билан бирга Исроилнинг Ғазо блокадасига қарши норозилик ҳаракатларини ҳам олиб боради.
Изоҳ (0)