Судьялар олий кенгашининг навбатдаги йиғилишида уч нафар номзод илк бор судьялик лавозимига тайинланди, икки нафар судья вазифасидан озод этилди. Бу ҳақда кенгаш ахборот хизмати хабар қилди.
Маълум қилинишича, кенгаш қарорига кўра, Сойибжон Раҳимов судьялик лавозимида бўлишнинг беш йиллик муддатига Наманган вилояти Наманган туманлараро маъмурий судининг судьяси лавозимига тайинланди. Шунингдек, Ғайратали Дарвишалиев Андижон туманлараро судининг судьяси лавозимига, Адилбек Сейтназаров Гулистон туманлараро суди судьяси лавозимига маъқулланган.
Бундан ташқари, Жамол Шарипов ёзма аризасига биноан Бухоро вилоят маъмурий судининг судьяси лавозимидан четлаштирилди. Жасур Ибодуллаев эса судьялик қасамёдини бузгани учун ёзма аризасига биноан Шеробод туманлараро судининг раиси лавозимидан озод этилиб, ваколати муддатидан илгари тугатилган.
Эслатиб ўтамиз, Ўзбекистонда 2021 йил 1-чорагида 9 нафар судьяга нисбатан интизомий иш қўзғатилган.
Мавзуга доир:
- Ўзбекистон судьялар олий кенгаши қасамёдини бузган суд раисини вазифасидан озод этди
- Андижонда суд раиси судьялик одоб-ахлоқини бузгани учун ишдан олинди
- Хоразмда ўлган аёлнинг «кўрсатмаси»ни ишончли деб топган судья ҳамон ишламоқда. Марҳума ЙТҲ сабаб комада ётган жабрдийда ҳайдовчидан пул ундириш учун «тирилтирилган» эди
Изоҳ (0)