Саида Мирзиёева Самарқандда БМТ Бош котибининг иқтисодий ривожланиш бўйича ёрдамчиси Навид Ҳаниф билан учрашув ўтказди.
Мулоқотнинг асосий мавзуси — илк бор Ўзбекистонда ташкил этилган Давлат хизмати бўйича глобал форум якунлари ва натижаларига бағишланди.
Суҳбат давомида ислоҳотлар самараси, рақамлаштириш жараёни ва “Ўзбекистон–2030” стратегияси доирасидаги режалар ҳақида маълумот берилди, шунингдек, ҳамкорликнинг янги йўналишлари: ёшларни қўллаб-қувватлаш, рақамли кўникмаларни ривожлантириш, аёллар учун имкониятларни кенгайтириш ва ўзбекистонлик мутахассисларнинг БМТ лойиҳаларида иштирок этиши муҳокама қилинди.
Экология масалалари ҳам эътибор марказида бўлди — Халқаро иқлим академиясини тузиш ва Орол ҳудудини тиклаш бўйича фикр алмашилди.
“Бугунги беқарор дунёда энг муҳим жиҳат — бир-биримизни эшитишни ўрганиш. БМТ — ана шундай очиқ мулоқот ва ечимларни биргаликда излаш мумкин бўлган майдондир. Олдинда ҳали кўплаб янги ғоя ва лойиҳаларимиз бор — уларни ҳамжиҳатликда амалга оширишга тайёрмиз”, деб ёзади Саида Мирзиёева.
Изоҳ (0)