Самарқанд вилоятининг Қўшработ туманидаги ўқувчилар учун 17 та янги мактаб автобуси тақдим этилди. Бу ҳақда Саида Мирзиёева хабар берди.
Маълум қилинишича, ушбу автобуслар президент топшириғига биноан совға сифатида тақдим этилди. Автобуслар тумандаги 20 та олис мактабда таҳсил олаётган 750 нафардан ортиқ ўқувчига хавфсиз ва қулай тарзда ўз синфхоналарига етиб бориш имконини беради.
“Биз ҳар бир бола, қаерда яшашидан қатъи назар, сифатли, замонавий ва муносиб таълим олиш имкониятига эга бўлишини жуда истаймиз ҳамда бунга эришиш учун барча саъй-ҳаракатларимизни йўналтирамиз”, дейди Саида Мирзиёева.
Президент ёрдамчиси 19 июнь куни Самарқанддаги 71-мактабда бўлиб, ушбу мактабни ва Самарқанддаги бошқа мактабларни аъло баҳолар билан битирган ўқувчиларга олтин медалларни топширди. Унинг қайд этишича, 71-мактаб битирувчилари орасида медал олаётган ва халқаро таълим муассасаларига ўқишга кираётган ёшлар кўп. Ўтган йили мазкур даргоҳнинг барча битирувчилари олий ўқув юртлари имтиҳонидан ўтиб, талабаликка қабул қилинди.
-JV6wtuP3.avif)
Самарқанд ва Жиззах вилоятининг олис ва чекка ҳудудларида жойлашган мактаб ўқувчилари учун бепул автобус қатнови йўлга қўйилиши 2025 йил учун давлат дастури лойиҳасида кўзда тутилганди.
Изоҳ (0)