Каталониянинг “Барселона” клуби Даниянинг “Копенгаген” жамоасида тўп сураётган швециялик иқтидорли футболчи Руни Баржини ўз сафига қўшиб олиш арафасида турибди. Бу ҳақда таниқли футбол инсайдери Фабрицио Романо хабар берди.
Манбага кўра, музокаралар сўнгги босқичга кирган, қолган тафсилотлар эса яқин кунларда ҳал этилиши кутилмоқда. Швед футболчиси июль ойида “Барселона” сафига қўшилиши мумкин.
Аввалроқ Баржининг агенти Каталонияга ташриф буюргани ва клуб раҳбарияти билан музокаралар ўтказгани ҳақида маълумотлар тарқалган эди. Айни пайтда “кўк-анорранглилар” футболчини икки хил йўл билан таркибга қўшиш масаласини кўриб чиқмоқда: уни 2–3 миллион евро эвазига ҳозир сотиб олиш ёки қишки трансфер ойнасида эркин агент сифатида олиб келиш. Сабаби футболчининг “Копенгаген” билан амалдаги шартномаси 2025 йилнинг охирида якунига етади.
Эътиборлиси шундаки, Руни Баржи Кувайтда туғилган бўлишига қарамай, Швециянинг ёшлар терма жамоасида ўйнаб келади. У “Копенгаген” жамоаси билан уч марта Дания чемпиони бўлган, шунингдек, икки бор мамлакат кубогини қўлга киритган.
Изоҳ (0)