Яшаш учун дунёдаги энг қиммат шаҳар деб топилган Швейцариянинг Цюрих шаҳри маҳаллий аҳолининг ҳаётдан қониқиш даражасига кўра, 2024 йилда кўчиб ўтиш учун Европадаги энг яхши жой деб топилди.
Европа Иттифоқининг “Европа шаҳарларидаги ҳаёт сифати 2023” ҳисоботига кўра, европаликларнинг қарийб 90 фоизи ўз шаҳарларидаги ҳаётдан қониқиш ҳосил қилган. Гарчи бу кўрсаткич 2019 йилга нисбатан камайган бўлса-да, ҳисоботда қониқиш даражаси юқорилигича қолаётгани, ҳар ўн кишидан тўққиз нафари ҳаётдан мамнун экани таъкидланган, дея хабар беради SchengenVisaInfo.
Ҳисоботда кичикроқ шаҳарлар кўп жиҳатдан, жумладан, хавфсизлик, соғлиқ, уй-жой сотиб олиш имконияти ва маҳаллий ҳукумат билан алоқа бўйича яшаш учун яхшироқ жойлар сифатида қабул қилиниши тенденцияга айлангани қайд этилган. Бундан ташқари, кичик шаҳарлар кекса одамлар, кичик болали оилалар ва мигрантлар учун энг яхшиси ҳисобланади.
2024 йилда кўчиб ўтиш учун энг яхши 10 та Европа шаҳри
- 1. Цюрих, Швейцария (97% аҳоли ҳаётидан мамнун).
- 2. Копенгаген, Дания (96%).
- 3. Гронинген, Нидерландия (96%).
- 4. Гданск, Польша (95%).
- 5. Лейпциг, Германия (95%).
- 6. Стокгольм, Швеция (95%).
- 7. Женева, Швейцария (95%).
- 8. Росток, Германия (94%).
- 9. Клуж-Напока, Руминия (94%).
- 10. Брага, Португалия (94%).
Шу билан бирга, Гронинген, Брага ва Гданск мигрантлар учун энг яхши деб топилган ўнта шаҳар қаторига кирди.
Ушбу кўрсаткич бўйича энг яхшилар рўйхатига Кардифф (Буюк Британия), Лиссабон (Португалия), Барселона (Испания), Тайнсайд (Буюк Британия), Гамбург (Германия), Хелсинки (Финляндия) ва Глазго (Буюк Британия) каби шаҳарлар киритилган.
Изоҳ (0)