Самарқанд—Тошкент—Самарқанд йўналишида “Афросиёб” электропоездининг қўшимча ҳаракати йўлга қўйилади. Бу ҳақда “Темирйўлекспресс” матбуот хизмати хабар берди.
Маълум қилинишича, ушбу йўналишдаги қўшимча поезд йўловчиларга қулайлик яратиш мақсадида 15—31 декабрь кунлари ҳамда 2025 йилнинг 3—12 январь кунлари оралиғида ҳафтанинг жума, шанба ва якшанба кунлари амалга оширилади.
Поезд жадвали қуйидагича:
- 775-сонли Самарқанд—Тошкент йўналиши: Самарқанддан жўнаш соат 10:55 да— Тошкентга етиб бориш соат 13:15 да.
- 776-сонли Тошкент—Самарқанд йўналиши: Тошкентдан жўнаш соат 13:56 да— Самарқандга етиб бориш соат 16:14 да.
Ижтимоий тармоқларда 7 декабрдан Хивага “Афросиёб” поездлари қатнай бошлаши ҳақида хабарлар тарқалганди. “Ўзбекистон темир йўллари” буни рад этди.
Изоҳ (0)