Қурбон ҳайити кунлари Самарқанд—Тошкент йўналишида қўшимча “Афросиёб” поезди қатнови йўлга қўйилади

Самарқанд—Тошкент—Самарқанд йўналишида қўшимча йўловчи поездлар ҳаракати йўлга қўйилади. Бу ҳақда “Ўзтемирйўлйўловчи” матбуот хизмати хабар берди.

Қурбон ҳайити муносабати билан йўловчиларга қулайлик яратиш мақсадида 15, 16, 17 июнь кунлари 775/776-сонли Самарқанд—Тошкент—Самарқанд йўналишида “Афросиёб” электропоездининг қўшимча ҳаракати йўлга қўйилди. Поезд қуйидаги жадвал асосида ҳаракатланади:

775-сонли Самарқанд—Тошкент йўналиши

• Самарқанд 11:11 — Тошкент 13:26.

776-сонли Тошкент—Самарқанд йўналиши

• Тошкент 13:51 — Самарқанд 16:05.

Қўшимча маълумотни Тошкент шаҳридаги 1005 қисқа телефон рақами, жойлардаги темир йўл чиптахоналари ҳамда маълумотлар бюросидан билиб олиш мумкин. Чипталарни нафақат темир йўл чиптахоналаридан, балки электрон тарзда ушбу ҳавола орқали харид қилса бўлади.

• Аввалроқ “Ўзбекистон темир йўллари” АЖ 2024 йилнинг 1 июль санасидан маҳаллий йўналишлардаги йўловчи поездлар — “Насаф”, “Шарқ”, “Ўзбекистон” поездлари чипта нархларининг тариф қисми 25 фоизга оширилишини маълум қилганди.