Йўловчиларга қулайлик яратиш ва транспорт хизматлари кўрсатиш кўламини ошириш мақсадида Тошкент ва Андижон шаҳарлари ўртасида қўшимча поездлар қатнови амалга оширилади. Бу ҳақда Тошкент минтақавий темир йўл узели хабар қилди.
Қайд этилишича, 5, 19, 26 май кунлари Тошкент—Андижон—Тошкент йўналишида ҳаракатланаётган 60/59-сонли йўловчи поездларининг қўшимча қатновлари амалга оширилади. Ушбу поездлар ўзининг амалдаги жадвали асосида ҳаракатланади.
Аввалроқ Рамазон ҳайити муносабати билан Самарқанд ва Тошкент ўртасида қўшимча темир йўл қатнови йўлга қўйилаётгани хабар қилинганди. Унга кўра, 3—5 май кунлари Самарқанд—Тошкент—Самарқанд йўналишида иккита «Афросиёб» поездлари ҳаракатланади.
Изоҳ (0)