Суринам парламенти 6 июль куни мамлакат тарихидаги биринчи аёл президентни сайлади. Бу ҳақда CNN хабар берди.
Женнифер Симонс олдин шифокор ва парламент спикери сифатида фаолият юритган. Унинг Миллий-демократик партияси 25 май куни бўлиб ўтган парламент сайловларида 18 та ўринни, амалдаги президент Чан Сантохининг Прогрессив ислоҳотлар партияси эса 17 та ўринни эгаллаган. Қолган 16 та ўринни нисбатан кичик партиялар қўлга киритган. Қонунчиликга кўра, президентликка номзод сайловда ғалаба қозониши учун учдан икки овоз тўплаши керак болади.
Симонс ёшларга ва имконияти чекланганларга алоҳида эътибор беришга ваъда бермоқда.
“Мен бу офисга хизмат қилиш учун келдим. Миллий бойлигимизни барча халқимизга етказиш учун бор билимим, кучим ва ақл-заковатимни ишга соламан. Елкамга қандай масъулият юкланганини жуда яхши биламан. Бу лавозимни эгаллаган биринчи аёл бўлганим маъсулиятни янада орттирмоқда. Кўп гапиришни истамайман. Дарҳол ишга киришишим лозим”, деди 71 ёшли Симонс.
Янги президент ўн йил давомида парламент спикери сифатида фаолият юритган. Унинг инаугурацияси 16 июлга белгиланган. Парламент Суринам Миллий партияси раҳбари Грегорий Русланни вице-президент лавозимига тайинлаган.
Амалдаги президент Чан Сантохи (66 ёшли собиқ полиция комиссари) ҳам қайта сайланиш учун сўнгги сайловда иштирок этган. У аҳолининг камбағалроқ ва заифроқ қатламларини ҳимоя қилмагани учун танқидга учраган эди. Сантохи содиқлиги билан эсда қолишига умид қилмоқда. Бундан кейин эса у парламент аъзоси сифатида мамлакатга хизмат қилишда давом этишини билдирган.
Суринам 1975 йилдан бери Нидерландиянинг собиқ мустамлакаси бўлган. Мамлакатда “ТоталЕнергиэс ТТЕФ.ПА” бошчилигидаги нефть ва газ лойиҳаси сабаб миллий даромад ошиши кутилмоқда.
Изоҳ (0)