Венецияда никоҳ маросими бўлиб ўтаётган 61 ёшли миллиардер Жефф Безос ва 55 ёшли Лорен Санчеснинг тўйи аллақачон “аср тўйи” деб ном олган. Меҳмонлар байрамга йиғилаётган пайтда, шаҳар деярли ёпилган ва сайёҳлар меҳмонхоналардан чиқарилган улкан байрамнинг янги тафсилотлари тармоққа тушмоқда.

Маълум бўлишича, Амазон асосчиси ўзи, турмуш ўртоғи ва икки юздан ортиқ таклиф этилганлар учун бир нечта ҳашаматли меҳмонхоналарни ижарага олган. Улар орасида россиялик миллиардер Владислав Доронинга тегишли Аман Вениcе меҳмонхонаси ҳам бор. Хабар қилинишича, ушбу меҳмонхонада жой банд қилган ва ҳатто жойлашиб олган сайёҳларга компенсация тўланган ҳамда бошқа юқори тоифали меҳмонхоналарга кўчиб ўтиш таклиф этилган. Бу ҳамма меҳмонларга ҳам маъқул келмаган.

Венеция аҳолиси орасида ҳам норозилар кўп. Улар тўйни бузишни режалаштирмоқда, чунки маросим шаҳар учун кўп муаммо келтириб чиқараётганини ёқтирмаяптилар. Хавфсизликка таҳдидлар туфайли Безос меҳмонхоналардаги барча хоналар, йўлаклар ва жиҳозларни кузатув мосламалари бор-йўқлигини синчковлик билан текширадиган қўриқчиларни кучайтиришга мажбур бўлди. Кўплаб меҳмонлар, жумладан Иванка Трамп эри ва фарзандлари билан, шунингдек Кардашианлар оиласи Ст. Регис Вениcе меҳмонхонасида жойлашди. Бу меҳмонхонанинг кириш қисми ва қабулхонаси маҳаллий полиция томонидан куну тун қўриқланади.

Тармоқдаги хавфсизлик чоралари билан бир қаторда, Жефф ва Лореннинг тўйига таклифнома ҳам муҳокама қилинмоқда, буни фойдаланувчилар аллақачон масхара қилишган. Таклифнома оқ фонда курсив билан ёзилган бўлиб, капалаклар, юлдузлар ва гондолалар билан безатилган.

Безос ва Санчес совғалардан воз кечиш қарори учун мақтовга сазовор бўлишди: улар меҳмонлардан совғалар ўрнига ЮНЕСКОнинг маҳаллий бўлимига хайрия қилишни сўрашган.

Таомномага келсак, маълум бўлишича, тўй тортини тайёрлаш учун ташкилотчилар машҳур француз қандолатчиси Седрик Гролени таклиф қилишган. У мевага ўхшаш ширинликлар яратиши билан танилган. Седрик замонавий француз қандолатчилик саноатининг етакчиларидан бири ҳисобланади ва Instagramъда 13 миллиондан ортиқ обуначиси мавжуд.

Миш-мишларга кўра, яқинда Кети Перри билан космосга учган Лорен Санчес маросим давомида Dolce & Gabbanaънинг 27 та либосини кийиб кўрсатади. Мода уйи унга шунча либос тайёрлаб қўйган. Эҳтимол, уларнинг баъзилари дабдабали, баъзилари эса зиёфатлар ва қабул маросимлари учун нафис бўлади.

Ёзнинг энг кутилган тўйи 26-28 июнь кунлари бўлиб ўтади, асосий маросим эса сўнгги куни бўлади. Дастлаб, келин-куёв Венеция марказидаги XVI асрга оид ҳашаматли сарой - Сcуола Гранде делла Мисериcордиаъда никоҳ қурмоқчи эдилар. Аммо таҳдидлар ва норозиликлар туфайли улар сўнгги дақиқада режаларини ўзгартиришга мажбур бўлдилар. Тантана ташкилотчилари тадбирни марказдан узоқроққа - Венеция Арсенали биносига кўчирдилар.

Уч кунлик байрам бюджети 40-48 миллион еврони ташкил этади (46,5-55,6 миллион доллар). Таққослаш учун: ўтган йили Ҳиндистонда Анант Амбани ва Радхика Мерчантнинг тўйи 128 миллион еврога тушган эди. Тахминан 250 нафар меҳмон ташриф буюриши кутилмоқда, улар орасида Даша Жукова миллиардер эри Ставрос Ниархос билан, Иванка Трамп фарзандлари билан, Кардашьянлар оиласи ва кўплаб Голливуд юлдузлари бор. Улар учун 90 та хусусий самолёт ва 30 га яқин элита сув таксилари банд қилинган.

Эслатиб ўтамиз, сайёрамизнинг энг бой одамларидан бири, Амазон асосчиси, Blue Origin аэрокосмик компанияси эгаси ва The Washington Post газетаси эгаси Жефф Безос ва Лорен Санчес 2019 йилдан бери бирга. Илгари миллиардер Маккензи Скоттга уйланган бўлиб, у билан 2019 йилда 25 йиллик турмушдан сўнг ажрашган. Уларнинг тўрт фарзанди бор. Лорен Санчес икки марта турмуш қурган, учта фарзанди бор. Жефф Безоснинг бойлиги 227 миллиард долларга баҳоланмоқда.