Кўпчилик санъаткорлар фақат кино ва мусиқа соҳасида фаол ижодкорлар сифатида танилади, аммо улар орасида бошқа соҳаларда ўз қобилиятини намоён қилганлар талайгина.
Бруклин Бекҳэм
Машҳур футболчи Девид Бекҳэмнинг ўғли футболдан кўра кўпроқ ошпазликка қизиқади. У ҳар куни рафиқаси Николага овқат тайёрлашга одатланган. Бруклиннинг айтишича, хотини унга интернетдан турли таом видеоларини юборади, Бруклин эса уларни уй шароитида тайёрлаб кўради.
Колин Фаррелл
Актор Колин Фаррелл кинодаги фаолиятидан ташқари бир вақтлар раққослик билан ҳам шуғулланган. У Ирландияда саккиз кишилик гуруҳ билан меҳмонхоналарда кантри рақсини ижро этган. Бу машғулот тахминан бир йил давом этган. Эндиликда актёр рақс соҳасига қайтишни хоҳламайди.
Остин Батлер
Актор Остин Батлер нафақат актёр ва ажойиб гитарачи, балки кулолчилик санъати билан ҳам яқиндан танишдир. Унинг ҳамкасби Жоди Комер унинг бу ҳоббиси ҳақида сўзлаб, Остин тайёрлаган кулолчилик буюмларини яқинларига совға қилиб туришини айтган. Батлер эса бу ҳақида камтарона гапириб, санъат асарларини кўрсатишдан ийманган.
Том Круз
Ҳаётини хавф остига қўйишдан қўрқмайдиган маҳоратли актёр Том Круз пианино чалишни ҳам ёқтиради, аммо бу қобилиятини оддийгина “клавишларни босиш” деб атайди. Шунга қарамай, мухлислари унинг ҳар соҳада маҳоратли эканини яхши билишади. Эҳтимол, келажакда уни саҳнада пианино чалаётганини ҳам кўрармиз.
Бейонсе
Бейонсе ошпазлик борасида бир оз нўноқ, аммо ичимликлар тайёрлашга катта қизиқиш билдиради. Онаси Тина Ноулзнинг айтишича, қизи турли шарбатлар билан тажриба қилишни ёқтиради ва кўпинча уларга халапенё (аччиқ қалампир) қўшади. Натижада ноодатий ва эсда қоларли ичимликлар яратилади.
Крис Эванс
Крис Эванс ўзининг турли қобилиятлари билан мухлисларини кўп бора ҳайратга солган. У ҳатто фокуслар ҳам кўрсата олади. Унинг татуировка устаси айтишича, Крис мураккаб карта фокусларини жуда осонлик билан бажаради.
Изоҳ (0)