Эрон билан можаро бошланганидан кейин Исроилда қолган хорижликлар мамлакатни самолётда тарк этиши мумкин бўлади. Бу ҳақда транспорт вазири Мири Регевга таяниб The Times of Israel хабар берди.
Исроил 23 июнь куни мамлакатни тарк этишни истаганлар учун рейслар ташкил қилишни бошлаган. Биринчи куни мингдан ортиқ хорижлик мамлакатдан чиқариб юборилади. Бироқ парвоз учун чекловлар ҳам ўрнатилган. Жумладан, битта борт 50 нафаргача йўловчини ташиши мумкин. Рейслар Тель Авивдаги Бен Гурион халқаро аэропортидан амалга оширилади.
Душанба куни маҳаллий авиакомпаниялар халқаро манзиллардан 24 та репатриация рейсини амалга оширишини ва ҳар бир рейсда 50 йўловчигача чеклов ўрнатилишини кутмоқдамиз, дейди Исроил транспорт вазири.
Мири Регевнинг таъкидлашича, аэропорт нишонга айланиши мумкин бўлган даврда учиш-қўниш йўлагидаги самолётларда йўловчилар сонини чеклаш керак.
Эрон билан можаро давом этаётгани сабабли 13 июндан буён Исроил ҳаво ҳудуди ёпиқ эди. Яҳудий давлатида 40 мингдан ортиқ сайёҳ қолиб кетганди, улар чекловлар туфайли уча олмаганди. Исроилнинг Эл Ал, Исраир ва Аркиа авиакомпаниялари самолётлари Эрон томонидан такрорий тунги ракета ҳужумлари туфайли асосан кундузи парвозларни амалга оширади.
Изоҳ (0)