“Ўзбекистон” анжуманлар саройида 27 июнь – Матбуот ва оммавий ахборот воситалари ходимлари куни муносабати билан байрам тадбири ҳамда “Олтин қалам” ХIX Миллий мукофоти учун халқаро танлов ғолиб ва совриндорларини тантанали тақдирлаш маросими бўлиб ўтди.
Президент матбуот котиби Шерзод Асадов президент Шавкат Мирзиёевнинг матбуот ва оммавий ахборот воситалари ходимларига йўллаган табригини ўқиб эшиттирди.
Давлат раҳбарининг кечаги фармони билан бир гуруҳ ОАВ вакиллари ва блогерлар юксак унвонлар, орден ва медаллари билан тақдирланди. Олий Мажлис Сенати раиси Танзила Норбоева ушбу мукофотларни ўз соҳибларига топширди.
Шунингдек, тадбирда “Олтин қалам” Миллий мукофоти совриндорлари эълон қилинди, ғолиб оммавий ахборот воситалари, журналист ва блогерлар мукофотланди. Бош мукофотга “Гулхан” журнали таҳририяти сазовор бўлди.
“Юксак мукофотлар ва касб байрамингиз муборак бўлсин, азиз ҳамкасблар!”, деб ёзган Шерзод Асадов.
Изоҳ (0)