2025 йилнинг биринчи ярми корейс сериаллари мухлисларини турли жанрлардаги кўплаб қизиқарли лойиҳалар билан хурсанд қилди. Йилнинг иккинчи ярми ҳам шунчалик қизғин бўлиши кутилмоқда. Биз сиз учун йил охиригача экранларга чиқиши мўлжалланган энг қизиқарли ва кутилаётган корейс сериалларини тайёрладик.
“Таксичи 3”
- Жанр: драма, жангари.
- Сериялар сони: 16.
- Бош ролларда: Ли Же-хун, Пхё Е-жин, Ким I-сон ва бошқалар.
Ғайриоддий такси хизмати ўз мижозларига алоҳида хизмат кўрсатади — уларни хафа қилганларга қасос олиш имкониятини беради. Полиция ва суд сусткашлик қилаётган жойларда, собиқ ҳарбий Ким До-ги ўз жамоаси билан ёвузликни жазолаш учун қўлидан келганини қилади.
Бош ролни Ли Же-хун ижро этган қасоскор такси ҳайдовчилари ҳақидаги корейс жангари фильми ноябрь ойидаёқ томошабинларни учинчи мавсуми билан қувонтириши кутилмоқда. Асосий актёр таркибининг барчаси ўз ролларига қайтади, аммо сериалнинг давоми ҳақидаги аниқ маълумотлар ҳозирча ошкор қилинмаяпти.
“Сўнгги ёз”
- Жанр: драма, романтика.
- Қисмлар сони: 12.
- Бош ролларда: Ли Же-ук, Чхве Сон-ин, Чон Бо-мин ва бошқалар.
Болаликдан дўст бўлган, аммо кейинчалик бир-бирини йўқотиб қўйган эркак ва аёлнинг севги қиссаси. Ўша ёзда қизнинг Сон Ҳа-гёнг исмли қадрдон дўсти тоғдан тушаётиб ҳалок бўлади ва унинг эгизак акаси Пек До-ҳа Ҳа-гёнгни ҳақиқатдан асраш учун ўзини укасига ўхшатади, лекин оқибатда унга қаттиқ азоб етказади. Ўшандан бери Сон Ҳа-гёнг ёзни ёмон кўради, Пек До-ҳа эса уни ҳар куни кутиб, бир куни Кореяга қайтади ва Ҳа-гёнг билан муносабатларни тиклашга қатъий аҳд қилади.
Кореялик машҳур актёр Ли Же-ук иштирокидаги янги романтик сериалнинг премераси ноябрь ойига режалаштирилган.
“Кёнг Дони кутиб”
- Жанри: драма, комедия, романтика.
- Сериялар сони: 12.
- Бош ролларда: Пак Со-жун, Вон Жи-ан, Ли Эл ва бошқалар.
Ли Кёнг-до исмли йигит ва Со Жи-у исмли қиз йигирма ва йигирма саккиз ёшларида икки марта учрашиб, ажралишган. Бир куни тақдир собиқ севишганларни яна учраштиришга қарор қилади. Кўнгилочар бўлим мухбири Ли Кёнг-до эр-хотиннинг хиёнати ҳақидаги можарони ёритаётганда, бу можаронинг бош қаҳрамони хотини унинг эски таниши Со Жи-у эканлиги маълум бўлади.
Пак Со-жун ва Вон Жи-ан иштирокидаги янги романтик комедия декабрь ойида эфирга узатилиши кутилмоқда. "Дўст" сериалининг сценарий муаллифи Ю Ён-а ва "Ер қироли" асарининг режиссёри Ли Хён-ук ўз қаҳрамонлари учун хиёнат ва севги учун учинчи имконият аралашган ҳақиқий романтик чалкашликни яратишади.
“100-рақамли хотиралар”
- Жанри: драма, тарихий, романтик.
- Сериялар сони: 12.
- Бош ролларда: Ким Да-ми, Шин Е-ин, Ҳо Нам-жун ва бошқалар.
Воқеалар ўтган асрнинг 80 йилларида кечади. Энг яқин дугоналар Го Ёнг-ре ва Со Жонг-ҳи автобусда кондуктор бўлиб ишлашади. Ёнг-ре кўнгли айнишидан азият чекишига қарамай, оиласини таъминлаш учун ишга чиқади. Жонг-ҳи учун эса иш золим оиласидан қочиш йўлидир. Бироқ қизларни нафақат дўстлик, балки универсал дўкон эгасининг ўғли Хан Же-пилга бўлган севги ҳам боғлайди.
“Менга уйлан”
- Жанр: драма, комедия, романтика.
- Сериялар сони: 12.
- Бош ролларда: Чхве У-шик, Чон Со-мин, Со Бом-жун ва бошқалар.
Ким У-жу Жанубий Кореядаги 80 йил олдин асос солинган энг қадимги новвойхонанинг ягона вориси ҳисобланади. У истеъдодли раҳбар, мукаммалликка интилувчи ва ўзига бино қўйган шахс бўлиб, отасининг вафотидан сўнг оилавий бизнесни ўз қўлига олган. Бир куни унинг тартибли ҳаётига дизайнер қиз Ю Ми-ри кириб келади. У янги турмуш қурганлар учун уй олиш мақсадида зудлик билан эр топиши керак. Ю Ми-ри собиқ унаштирилган йигитининг исми билан бир хил бўлган Ким У-жуга турмуш қуришни таклиф қилади.
“Судья Ли Хан Ён”
- Жанр: драма, фантастика, триллер.
- Қисмлар сони: 14.
- Бош ролларда: Чи Сон, Пак Ҳи-сун, Вон Жин-а ва бошқалар.
Карьера пиллапоясининг қуйи босқичида бўлган судья Ли Хан Ён йирик ҳуқуқшунослик фирмаси раҳбарининг қизига уйланади. Шундан сўнг у пора ола бошлайди ва ўз лавозимидан қайнотасининг фирмасига ёрдам бериш учун фойдаланади. Бироқ Ли Хан Ён коррупцион битимларни тўхтатишга қарор қилганда ўзини ўн йил аввалги даврга қайтганини англайди ва янги ҳаётини ҳалол ўтказишга аҳд қилади.
Изоҳ (0)