Uzbekistan: Ланд оф Talentс промоушн кампанияси Ўзбекистонни футбол мамлакати сифатида намойиш этади

Миллий термамизнинг ЖЧга чиқиши арафасида Uzbekistan: Ланд оф Talentс глобал кампаниясига старт берилди.

Кампаниянинг мақсади – Ўзбекистон учун янги брендни шакллантириш, уни турли соҳалар бўйича истеъдодлар замини сифатида намойиш этиш.

Кампаниянинг илк лойиҳаси Тошкент шаҳар ҳокимлиги ташаббуси остида Зўр TV билан ҳамкорликда ўтказилган “Ўзбекистон – истеъдодлар замини” ёшлар ҳаракати, хусусан, Тошкент марказида 10 июнь кунги ўйин ва тақдирлаш маросимининг жонли намойиши ҳамда “Салом, Мундиал!” супершоуси бўлди.

Uzbekistan: Ланд оф Talentс давом этади. Кампания ташаббусчиси Uzbekistanъс Cлуб жамоаси Ўзбекистон футбол ассоциацияси билан ҳамкорликда қуйидагиларни ташкил этишни режалаштирган:

- Миллий терма жамоани қўллаб-қувватлашга қаратилган креатив мерчлар коллекцияси,

- Футболчиларимизга бағишланган мусиқий манифест – миллий терма мадҳияси,

- Ижтимоий тармоқларда махсус халқаро челленж,

- Мундиал сари босиб ўтилган йўл ҳақида “Ўзбекистонлик” туркумидан бадиий-ҳужжатли фильмлар,

- Uzbekistanъс Cлуб журналининг махсус сони,

- Ўзбекистонлик футбол истеъдодлари салоҳиятини намойиш этишга қаратилган FIFA бош қароргоҳи ҳамда йирик футбол мамлакатларида бўлиб ўтадиган анжуманлар,

- FIFA World Stars термаси билан ўртоқлик учрашувлари,

- АҚШ ва Канададаги ватандошлар иштирокида “Ўзбекистонлик” кубоги,

- Миллий термамизнинг жаҳон чемпионатидаги ўйинларини оммавий намойиш этиш тадбирлари.

Глобал промоушн кампания – мураккаб, кенг қамровли, стратегик лойиҳа. Уни бир ташкилот ёки бир жамоа амалга ошира олмайди. Кампанияни ҳаётга татбиқ этилишига кўмаклашаётган йирик компаниялар бўлмиш Kapitalbank, Uzum ва Ucell ўзининг ижтимоий масъулиятини намоён қилмоқда.

Uzbekistan: Ланд оф Talentс Ўзбекистон келажаги учун муҳим лойиҳаларга бефарқ бўлмаган бизнеслар билан ҳамкорлик қилишга бел боғлаган.