Канадалик машҳур рэпер Дрейк заргар Алекс Мосс билан ҳамкорликда ўзининг Соме Цехй Songs 4 У номли альбомига бағишланган заргарлик буюмлари тўпламини яратди. Ушбу альбом 2025 йил 14 февраль куни рақамли платформаларда тақдим этилган эди.
Коллекциянинг асосий безаги учта “С” ҳарфига эга занжир бўлиб, бу ҳарфлар Дрейк учун катта маънога эга. Бироқ тўпламдаги энг эътиборга молик нарса — ҳақиқий Nokia телефони кўринишидаги осма безак бўлди.
Албатта, бу телефон ишлайдиган қурилма эмас. У Алекс Мосс томонидан махсус ясалган ҳашаматли заргарлик буюми. Безак фақатгина Дрейкнинг Nokia номли қўшиғи билан боғлиқ бўлган асосий экран тасвири билан безатилган. Унинг корпуси тўлиқ 10 граммли оқ олмослар билан қопланган. Бу ноодатий осма занжирга Дрейкнинг шахсий бренди — ОВО (Оcтоберъс Very Оwн) логотипи туширилган қисқич орқали уланади.
Iced out Nokia phone made for Drake pic.twitter.com/S9uHc46whj
— Alex Moss (@alexmossny) May 27, 2025
Қизиқ томони шундаки, бу Дрейкнинг илк “бриллиант телефони” эмас. 2019 йилда у машҳур Жасон оф Беверлй Ҳиллс заргарлик уйидан ўз смартфони учун 400 минг долларлик эксклюзив ғилоф буюртма қилган. Бу аксессуар оқ олтиндан ясалган бўлиб, усти 80 дона мовий ва оқ олмос билан безатилган.
Маълумот ўрнида: Обрий Дрейк Грем 1986 йил 24 октябрда Канаданинг Торонто шаҳрида туғилган. У нафақат рэпер, балки бастакор, продюсер ва тадбиркор сифатида ҳам танилган. Дастлаб актёрлик фаолияти орқали машҳурликка эришган Дрейк, кейинчалик ўз мусиқаси билан жаҳон саҳнасига кўтарилган.
2009 йилда у Young Моней Entertainment лейблига қўшилиб, тез орада дунё миқёсида танилди. Таке Care (2011), Nothing Wас тҳе Саме (2013), Viewс (2016) ва Cертифиэд Lover Бой (2021) каби альбомлари Billboard рейтингларининг энг юқори поғоналарида жой олди. Унинг Ҳотлине Блинг, Годъс План, Ин Мй Feelингс ва Оне Данcе каби ҳитлари бутун дунё бўйлаб миллионлаб тингловчиларни ўзига жалб қилди. Бугунги кунда Дрейк энг кўп тингланадиган ва энг нуфузли санъаткорлардан бири ҳисобланади.
Изоҳ (0)