Сара Жессика Паркер — актриса, услуб тимсоли ва ҳар доим ҳаётга прагматик ёндашуви билан ажралиб турадиган ишбилармон аёл. Бу юлдузнинг ўз фарзандларини қандай тарбиялашида ҳам акс этади.
У молиявий барқарорлик тамойилларига амал қилади. Сара фарзандларининг унинг молиявий муваффақиятига боғлиқ бўлишини истамайди. E-Newsʼга берган интервьюсида актриса фарзандларидан кутаётган умидлари ҳақида очиқ гапирди.
Паркернинг таъкидлашича, у учун фарзандларининг нафақат таълим олиши, балки барқарор даромад келтира оладиган касбга эга бўлиши муҳим. Чунки, унинг фикрича, замонавий дунёда молиявий мустақиллик — фаровонлик гаровидир. “Мен уларнинг ҳаяжонли ва қийин, машаққатли ва ёқимли бўлган нарсаларга интилишларини хоҳлайман. Улар охир-оқибат ўзларига ғамхўрлик қила олишлари, ўзларини ҳиссий ва молиявий жиҳатдан қўллаб-қувватлай олишларини хоҳлайман”, деди Паркер.
Эслатиб ўтамиз, актриса ва унинг турмуш ўртоғи Меттю Бродерик 30 йилдан буён бирга яшайди, уларнинг 22 ёшли ўғли Жеймс Уилки ва 15 ёшли эгизак қизлари Табита Хож ва Марион Лоретта Элвелл бор. Уилки аллақачон актёрлик фаолиятида илк қадамларини қўймоқда.
Изоҳ (0)