Польшанинг Варшава шаҳрида ташкил қилинган World Boxing ташкилоти кубоги иккинчи босқичининг тўртинчи кунида ўзбекистонлик 6 нафар боксчи финал йўлланмаси учун рингга чиқди. Унга кўра, 7 нафар нафар иштирокчи финал йўлланмасини нақд қилди. Иккита боксчи бўлса, мусобақани бронза медали билан якунлайдиган бўлди.
Дастлаб, -55 кг вазнда бўлиб ўтиши керак бўлган ярим финал баҳси мўғилистонлик Лунда Гантумурнинг жангдан бош тортганлиги сабабли ўтказилмади ва ғолиблик Миразизбек Мирзаҳалиловга топширилди. Кейинчалик, -65 кг вазнда жанг қиладиган Асадхўжа Мўйдинхўжаев ярим финалда мўғилистонлик Мишелт Баттумурни 5:0 ҳисобида мағлуб этди. Мусобақада Ўзбекистон номидан қатнашаётган ягона аёл бокчи Хуморабону Мамажонова -57 кг вазнда туркиялик Париж-2024 олимпиада ўйинлари совриндори Эсра Йилдизни 5:0 ҳисобида мағлуб этиб, финал йўлланмасини нақд қилди. Фазлиддин Эркинбоев -75 кг вазнда англиялик Кайл Шав-Туллинни 4:1 ҳисобида мағлуб этиб, Ўзбекистон сафидаги 7-финалчига айланди.
Икки нафар бокчи ярим финалда имкониятни бой бериб, бронза медалиги эга чиқди. Самандар Олимов -60 кг вазнда бўлиб ўтган баҳсда италиялик Микеле Балдассига 2:3 ҳисобида мағлуб бўлган бўлса, -70 кг вазнда мезбон Сезарий Знамес Гофуржон Тоҳировга ҳеч қандай имконият қолдирмади — 0:5.
Финалга йўл олган боксчилар билан танишинг:
-55 кг. Миразизбек Мирзаҳалилов
-65 кг. Асадхўжа Мўйдинхўжаев
-75 кг. Фазлиддин Эркинбоев
-80 кг. Жавоҳир Умматалиев
-85 кг. Акмалжон Исроилов
+92 кг. Жаҳонгир Зокиров
-57 кг. Хуморабону Мамажонова
Бронза медали соҳиблари:
-60 кг. Самандар Олимов
-70 кг. Гофур Тоҳиров
Бугун, 16 май куни 7 нафар ўзбекистонлик боксчи финалда рингга кўтарилади.
Жуфтликлар билан танишинг:
-55 кг: Миразизбек Мирзаҳалилов — Билгуунсаихан Харху (Мўғилистон) 16:45
-65 кг: Асадхўжа Мўйдинхўжаев — Викторио Илиев (Болгария) 17:00
-80 кг: Жавоҳир Умматалиев — Альфред Коммей (Италия) 17:15
-57 кг: Хуморабону Мамажонова — Жулиа Сзеремета (Польша) 20:15
-75 кг: Фазлиддин Эркинбоев — Рами Киван (Болгария) 21:30
-85 кг: Акмалжон Исроилов — Якуб Страсзевски (Польша) 21:45
+92 кг: Жаҳонгир Зокиров — Омар Шиҳа (Норвегия) 22:15
Учрашув вақтлари тақдирлаш маросимлари сабаб ўзгариб туриши мумкин.
Биринчи кунги натижалар билан танишинг.
Иккинчи кунги натижалар билан танишинг.
Учинчи кунги натижалар билан танишинг.
Изоҳ (0)