Тошкентда ўтказилган тезкор тадбирда сохта сайёҳлик фирмалари фаолиятига чек қўйилди. Бу ҳақда пойтахт ИИББ матбуот хизмати хабар берди.
Маълум қилинишича, Учтепа туманидаги “Маҳдий туризм” МЧЖ ходими – 1995 йилда туғилган А.Ж. 4 нафар фуқарога ҳаж сафарига юборишни ваъда қилган. У МЧЖнинг ушбу фаолият тури билан шуғулланишга лицензияси йўқлигини била туриб, 27,2 минг долларни олаётган вақтда қўлга олинган.
Шунингдек, Шайхонтоҳур туманидаги “Соҳил туризм” МЧЖ директори – 1991 йилда туғилган С.Н. 2 нафар фуқаронинг ишончига кириб, уларни ҳаж сафарига юборишни ваъда қилган. Унда ҳам лицензияси бўлмаса-да, 10 минг доллар олган вақтида холислар иштирокида ушланган.
Мазкур ҳолатлар юзасидан тўпланган ҳужжатлар Иқтисодий жиноятларга қарши курашиш департаментига тақдим этилди.
Ўзбекистонда икки фирма: Panorama Airways ва Гулбакҳор Аирwайс умра зиёратчиларига 25 млрд сўмлик зарар етказгани ҳақида хабар берилган эди.
Дин ишлари бўйича қўмита Ўзбекистонда сўнгги икки ойда ўтказилган текширувларга кўра, умра лицензиясига эга бўлмасдан ушбу хизматни кўрсатаётган 31 та сайёҳлик фирмаси масъулларига нисбатан жиноят иши қўзғатилганини маълум қилганди. Ушбу қўмита ҳам ноқонуний турфирма ёки турагентлардан огоҳ бўлишга чақирганди.
Ўзбекистонда умра тадбирларини ташкил этиш
2024 йил июлида Ўзбекистонда умра тадбирларини ташкил этиш ва ўтказиш лицензияланадиган фаолиятнинг алоҳида тури сифатида белгиланди. Ҳукумат қарори билан қуйидаги лицензия талаб ва шартлари жорий этилган. Лицензияга эга бўлмаган тадбиркорлик субъектлари томонидан умра хизматларини кўрсатганлик учун юридик шахсларга солинадиган жарималар миқдорлари БҲМнинг 200 баравари (75 миллион сўм) этиб белгиланган.
Изоҳ (0)