Аргентина ҳукумати Иккинчи жаҳон урушидан кейин мамлакатдан бошпана топган нацистлар ҳақидаги махфий ҳужжатларни эълон қилади. Бу ҳақда La Nacion хабар берди.
Тегишли фармонни Аргентина президенти Хавер Милей АҚШ сенатори Стив Дейнснинг сўровига биноан имзолади. Америкалик мулозим февраль ойида президент билан учрашди. Ҳукумат раиси Гилермо Франкоснинг айтишича, Милей давлат органлари ихтиёридаги барча ҳужжатларни эълон қилиш бўйича кўрсатма берган.
У буни маълумотларни яширишда давом этишга асос йўқлиги билан изоҳлаган. Эълон қилинмаган ҳужжатлар орасида нацистларнинг молиявий операциялари ҳақидаги маълумотлар ҳам бор.
2010 йил Аргентина аллақачон урушдан кейинги давр архивларини махфийликдан чиқариш тўғрисида қарор қабул қилган эди, аммо у тўлиқ бажарилмади. Милей 2023 йил охирида Аргентина президенти бўлди.
Иккинчи жаҳон урушидан сўнг, ҳуқуқ ҳимоячиларининг ҳисоб-китобларига кўра, 10 минггача нацистлар Аргентина ва бошқа мамлакатларда бошпана топиб қочиб кетган. Нацистлар режимининг энг номдор шахслари — Освенсим асирлари устида тажриба ўтказган доктор Йозеф Менгеле ҳамда Холокост ташкилотчиси, яҳудийларни ўлим лагерига юбориш операциясини бошқарган Адолф Эйхман ҳам айнан Аргентинадан бошпана топганди. Ньюренберг жараёнидан кейин Исроил ҳукумати томонидан қидирувга берилган шахслар орасида улар мос равишда иккинчи ва биринчи ўринни эгалларди.
Изоҳ (0)