Argentina hukumati Ikkinchi jahon urushidan keyin mamlakatdan boshpana topgan natsistlar haqidagi maxfiy hujjatlarni e’lon qiladi. Bu haqda La Nacion xabar berdi.
Tegishli farmonni Argentina prezidenti Xaver Miley AQSH senatori Stiv Deynsning so‘roviga binoan imzoladi. Amerikalik mulozim fevral oyida prezident bilan uchrashdi. Hukumat raisi Gilermo Frankosning aytishicha, Miley davlat organlari ixtiyoridagi barcha hujjatlarni e’lon qilish bo‘yicha ko‘rsatma bergan.
U buni ma’lumotlarni yashirishda davom etishga asos yo‘qligi bilan izohlagan. E’lon qilinmagan hujjatlar orasida natsistlarning moliyaviy operatsiyalari haqidagi ma’lumotlar ham bor.
2010-yil Argentina allaqachon urushdan keyingi davr arxivlarini maxfiylikdan chiqarish to‘g‘risida qaror qabul qilgan edi, ammo u to‘liq bajarilmadi. Miley 2023-yil oxirida Argentina prezidenti bo‘ldi.
Ikkinchi jahon urushidan so‘ng, huquq himoyachilarining hisob-kitoblariga ko‘ra, 10 minggacha natsistlar Argentina va boshqa mamlakatlarda boshpana topib qochib ketgan. Natsistlar rejimining eng nomdor shaxslari — Osvensim asirlari ustida tajriba o‘tkazgan doktor Yozef Mengele hamda Xolokost tashkilotchisi, yahudiylarni o‘lim lageriga yuborish operatsiyasini boshqargan Adolf Eyxman ham aynan Argentinadan boshpana topgandi. Nyurenberg jarayonidan keyin Isroil hukumati tomonidan qidiruvga berilgan shaxslar orasida ular mos ravishda ikkinchi va birinchi o‘rinni egallardi.
Izoh (0)