“Мўжизалар майдони” кўрсатуви Леонид Якубовични севимли телебошловчига айлантирди. Телеюлдузнинг ягона ўғли эса омма эътиборидан ўзини четга олишга қарор қилганга ўхшайди.
Леонид Якубович уч марта оила қурган. Биринчи никоҳига оид маълумотлар кам, фақат хотинининг исми Раиса эканлиги маълум. Иккинчи рафиқаси Галина Антонова эса экскурсия раҳбари бўлган. Ўша пайтда Якубович ҳали машҳур эмасди — у оддий комсомол аъзоси сифатида заводда ишларди. Шу никоҳдан 1973 йилда телебошловчининг ягона ўғли Артём туғилган.
Унинг туғилиш тарихи ҳақиқий триллерни эслатади: Галинанинг туғуруқ дарди кечаси бошланган, ҳаяжонланган бўлажак ота тез ёрдамга боғлана олмай, қўшни милиция бўлимига чопиб борган. Туғуруқхонада чақалоқ шамоллаб қолган — у 2 ой давомида ўпка яллиғланишидан даволанган.
Якубовичнинг ижодий фаолиятидаги дастлабки қадамлари Артёмнинг болалик йилларига тўғри келади. 1979 йилдан бошлаб бўлажак телебошловчи адабий фаолият билан шуғуллана бошлади — сценарийлар ва ҳажвий монологлар ёзишга киришади.
Кейинчалик бошловчи ўғлига етарлича эътибор бермаганини тан олади. “Ўғлимни эътибордан четда қолдирдим”, хафа бўлиб тан олади Якубович.
Ота-ўғил муносабатлари Якубовичнинг Галина билан ажрашишига таъсир кўрсатади. Муносабатлар аллақачон боши берк кўчага кириб қолган бўлса-да, эр-хотин ҳали ҳам ўзларига имконият беришни истарди — шу сабабли улар вақтинча алоҳида яшашга қарор қилишади. Бироқ айнан шу пайтда телебошловчи ўзидан 18 ёш кичик Марина Видо билан севишиб қолади. Оқибатда Якубович оиласини ташлаб кетади. Ўғли анчагача отасидан хафа бўлиб юради — уни янги хотинидан қизғанарди.
Телебошловчининг янги оиласида тез орада Варвара исмли қизи дунёга келади.
Артём отаси ким эканини билишларини истамагани учун ҳам онасининг фамилиясини олган. Бу фамилияни у қизи Софияга ҳам берган. София ҳозирча Якубовичнинг ягона набираси бўлиб, 2000 йилда туғилган. Айтганча, мустақилликка бўлган иштиёқни у отасидан мерос қилиб олган.
София шуҳратга интилмайди, ҳатто машҳур ва бадавлат бобосининг ёрдамини ҳам олмайди. Талабалик пайтида у умумий овқатланиш соҳасида ишлаган.
“Sonyа ишлайди, ўзи пул топишни хоҳлайди. Мендан пул олмайди. Ҳайдовчилик курсларига қатнаяпти”, деб айтганди Леонид Якубович 2022 йилда.
Артём йиллар ўтиб, отасини кечирди — ёши улғайган сари у Якубович билан яқинлаша бошлади. Ота-бола тез-тез учрашиб туради, билярд ўйнашади, балиқ овига боришади. Бундан ташқари, улар ҳозирда ҳамкасб ҳам — Артём “Биринчи канал”да Ахборот дастурлари бошқармасида ишлайди.
Изоҳ (0)