Ўзбекистон мактабларида ўқувчиларининг баҳорги таътили 21 март кунидан бошланади.
Вазирлар Маҳкамасининг қарори билан тасдиқланган “Умумий ўрта таълим тўғрисида”ги низомга кўра, мамлакатдаги умумтаълим мактаблари ўқувчилари учун баҳорги таътил 21 мартдан бошланиб, 7 календарь кун давом этиши белгиланган.
2025 йилда 21 март жума кунига тўғри келади. 20 март, чоршанба куни мактабларда III чоракнинг сўнгги куни бўлади. IV чорак дарслари 28 март, жума кунидан бошланади.
Камбағалликни қисқартириш ва бандлик вазирлиги 8 март Хотин-қизлар куни ва Наврўз байрами муносабати билан дам олинадиган кунларни эълон қилганди. Унга кўра,
- 8 март (шанба) — Хотин-қизлар куни;
- 9 март (якшанба) — дам олиш куни;
- 10 март (душанба) — 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни бўлади.
- 21 март (жума) — Наврўз байрами;
- 22 март (шанба) — 5 кунлик иш ҳафтасида ишловчилар учун дам олиш куни, 6 кунлик иш ҳафтасида ишловчилар учун иш куни;
- 23 март (якшанба) — дам олиш куни бўлади.
Изоҳ (0)