O‘zbekiston maktablarida o‘quvchilarining bahorgi taʼtili 21-mart kunidan boshlanadi.
Vazirlar Mahkamasining qarori bilan tasdiqlangan “Umumiy o‘rta taʼlim to‘g‘risida”gi nizomga ko‘ra, mamlakatdagi umumtaʼlim maktablari o‘quvchilari uchun bahorgi taʼtil 21-martdan boshlanib, 7 kalendar kun davom etishi belgilangan.
2025-yilda 21-mart juma kuniga to‘g‘ri keladi. 20-mart, chorshanba kuni maktablarda III chorakning so‘nggi kuni bo‘ladi. IV chorak darslari 28-mart, juma kunidan boshlanadi.
Kambag‘allikni qisqartirish va bandlik vazirligi 8-mart Xotin-qizlar kuni va Navro‘z bayrami munosabati bilan dam olinadigan kunlarni e’lon qilgandi. Unga ko‘ra,
- 8-mart (shanba) — Xotin-qizlar kuni;
- 9-mart (yakshanba) — dam olish kuni;
- 10-mart (dushanba) — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni bo‘ladi.
- 21-mart (juma) — Navro‘z bayrami;
- 22-mart (shanba) — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;
- 23-mart (yakshanba) — dam olish kuni bo‘ladi.
Izoh (0)