Россия маданият вазири Олга Любимова “Қизалоқ ва маймоқ” мультфильмининг ислом динига эътиқод қиладиган мамлакатларда оммалашишига нима сабаб бўлгани ҳақида гапирди.
Вазирнинг сўзларига кўра, ушбу мамлакатларда мультфильмни унинг бош қаҳрамони Машанинг ташқи кўриниши туфайли севиб томоша қилишади.
Анъана ва қадриятлар ҳақидаги саволингизга жавоб тариқасида “Қизалоқ ва маймоқ”даги Маша узун сарафан кийган ва бошига рўмол ўраган персонаж эканлигини эслатиб ўтмоқчиман. Бу эса ислом динига эътиқод қилувчи томошабинларга манзур бўлган, дейди вазир.
Кичкина қизалоқ ва баҳайбат айиқнинг ўзаро муносабатлари ҳақидаги таъсирли ҳикояда томошабин ота ва қиз ўртасидаги муносабатни кўради, дейди у. Любимованинг сўзларига кўра, “Қизалоқ ва маймоқ”, шунингдек, Италия, Сербия, араб мамлакатлари ҳамда Туркияда яшовчи оталарга ҳам манзур бўлган.
Изоҳ (0)