«Маша ва Маймоқ» мультсериали YouTube’да жами 100 млрд мартадан ортиқ томоша қилинди

Animaccord студияси Россиянинг «Маша ва Маймоқ» мультсериали YouTube сервисида 100 миллиард мартадан ортиқ томоша қилинди, деб хабар беради «Film.ru». Шу билан бирга, унинг аудиторияси кун сайин ортиб бормоқда.

«YouTube’даги ‘Маша ва Маймоқ’ канали 10 йил давомида Россия ва хорижда улкан муваффақиятга эришиб, узлуксиз ўсиб борди. 100 миллиард марта томоша қилиниш билан бирга, мультфильмнинг бешта канали — инглиз, испан, рус, португал ва украин тилидаги — YouTube’нинг бриллиант ‘тугмаси’га (Diamond Creator Awards) эга бўлди», — дейилади студия матбуот хизматининг хабарида.

2019 йилда «Маша плюс каша» эпизоди сервисдаги энг машҳур анимацион видео сифатида Гиннеснинг рекордлар китобига киритилган эди — 4,4 миллиард марта томоша қилинган. 2020 йил охирида мультфильмнинг инглиз тилидаги канали обуначилари сони 28 миллион кишидан ошган.

«Маша ва Маймоқ» мультсериали 39 тилга таржима қилинган ва дунёнинг 150 мамлакатида трансляция қилинади. «Маша ва Маймоқ», шунингдек, «Губка Боб» ва «Чўчқача Пеппе» билан энг талабгир мультсериаллар бешлигига киради.