«Қизалоқ ва маймоқ» дунё болалари севиб томоша қиладиган мультфильмлар ТОП-5 талигидан ўрин олди

Россиянинг «Қизалоқ ва маймоқ» анимацион сериали дунёдаги энг севимли болалар кўнгилочар брендлари бешталигидан ўрин олди, деб ёзади «РИА Новости».

Ушбу тадқиқот Kidz Global халқаро компанияси томонидан ўтказилди. Унда 43 мамлакатдан 60 минг нафар респондентнинг фикри ўрганилган.

Олинган жавоблар асосида «Қизалоқ ва маймоқ» мультсериали дунёда энг севимли бешталикка кирган. Ушбу мультфильмни 0—6 ёшгача бўлган қиз ва ўғил болалар севиб томоша қилиши аниқланди.

«Қизалоқ ва маймоқ» 39 та тилга таржима қилинган. У YouTube’нинг тўртта бриллиант тугмасига эга бўлган Россияда ишлаб чиқарилган ягона мультфильм ҳисобланади.

Рус, инглиз, испан ва португал тилларидаги ҳар бир каналдаги обуначилар сони 10 миллион кишидан ошади.