Rossiya madaniyat vaziri Olga Lyubimova “Qizaloq va maymoq” multfilmining islom diniga e’tiqod qiladigan mamlakatlarda ommalashishiga nima sabab bo‘lgani haqida gapirdi.
Vazirning so‘zlariga ko‘ra, ushbu mamlakatlarda multfilmni uning bosh qahramoni Mashaning tashqi ko‘rinishi tufayli sevib tomosha qilishadi.
An’ana va qadriyatlar haqidagi savolingizga javob tariqasida “Qizaloq va maymoq”dagi Masha uzun sarafan kiygan va boshiga ro‘mol o‘ragan personaj ekanligini eslatib o‘tmoqchiman. Bu esa islom diniga e’tiqod qiluvchi tomoshabinlarga manzur bo‘lgan, deydi vazir.
Kichkina qizaloq va bahaybat ayiqning o‘zaro munosabatlari haqidagi ta’sirli hikoyada tomoshabin ota va qiz o‘rtasidagi munosabatni ko‘radi, deydi u. Lyubimovaning so‘zlariga ko‘ra, “Qizaloq va maymoq”, shuningdek, Italiya, Serbiya, arab mamlakatlari hamda Turkiyada yashovchi otalarga ham manzur bo‘lgan.
Izoh (0)